Борел: Нема докази дека Кина ќе испрати оружје во Русија

Високиот претставник за надворешна политика и безбедност, Жосеп Борел, денеска по состанокот на шефовите на дипломатиите на ЕУ во Брисел изјави дека нема докази дека Кина ќе и испрати оружје на Русија.

„Немам докази дека Кина ќе испрати оружје во Русија и немам докази дека тие се подготвуваат да го сторат тоа. Не можам да предвидам што ќе се случи утре, но ниту денеска не знам, ниту пак некој ми даде таква информација“, рече Борел на прес-конференцијата.

Тој додаде дека ако Кина испратила оружје во Русија, ЕУ ќе знаела за тоа.