Андонов: Додека трае војната во Украина, треба да бидеме спремни на сите можни сценарија кои влијаат на цените

Македонија е во прогласена енергетска кризна состојба која трае до 30 април 2023 година, на сила е и Уредбата за критериуми за прогласување на енергетската кризна состојба, во која има сценарија по кои може да се постапува, а се однесуваат на редукција на потрошувачката на електрична енергија. Сценаријата се предвидени со цел избегнување на целосен колапс на енергетскиот систем во Република Северна Македонија, вели во интервју за „Локално“ советникот за енергетика во Владата, Виктор Андонов.

Тој потенцира дека тоа се сценарија, доколку се случат некои непосакувани хаварии на критичната енергетска инфраструктура, или пак имаме забрана за увоз на енергија од некоја од соседните држави.

-Се додека трае војната во Украина, сите треба да бидеме особено внимателни да бидеме спремни на сите сценарија, дури и на тие што се најмалку посакувани, истакнува тој.