Овие улици ќе бидат блокирани: Посебен режим на сообраќај во Скопје
Денес со почеток во 16.30 часот, во организација на Атлетска федерација, ќе се одржи атлетска трка, поради што МВР најави посебен сообраќаен режим.
Трката почнува од Порта Македонија, плоштад Македонија, па продолжува на ул.“Никола Вапцаров“, десно по ул.“Димитрие Чуповски“ до крстосница со ул.“Даме Груев“ каде се врти полукружно назад по ул.“Димитрие Чуповски“, десно по ул.“11-ти Октомври“ до крстосница со бул.“Кочо Рацин“, каде се врти полукружно и се движат назад по ул.“11-ти Октомври“, десно по ул.“Филип Втори Македонски“, лево по пристапната улица на ГТЦ и десно до целта кај Порта Македонија.
МВР апелира до граѓаните да ги почитуваат наредбите што ги издаваат полициските службеници по сообраќајниците каде што ќе се одвива настанот.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
