Плакета за Миодраг Стајиќ кој за прв пат ја запознал македонската јавност со таеквондото
Агенцијата за млади и спорт му врачи плакета на Миодраг Стајиќ за неговиот придонес за зачеток на таеквондото во Македонија
Директорот на Агенцијата за млади и спорт Наумче Мојсовски заедно со претседателот на Македонската Таеквондо Федерација д-р Борче Костовски оствари средба со г-дин Миодраг Стајиќ, човек кој во 1971 година за прв пат ја запознал македонската спортска јавност со корејската боречка вештина таеквондо, носител на црн појас во таеквондо и џиу џицу.
Таеквондо клубот кој бил под водство на Миодраг Стајиќ функционирал во салата Партизан во Чаир, тој постоел четири години и за жал згаснал, но секако оставил белег со тоа што спортската јавност за прв пат се запознала со врвот на ножната техника или боречкиот спорт Таеквондо.
За почетоците на оваа врвна боречка вештина во држава, но и за сите случувања поврзани со таеквондото во бившите ЈУ простори, зборуваше Миодраг Стајиќ, а од сите настани има документирано исечоци од печатени медиуми и фотографии, некои постари од половина век.
За неговиот придонес за зачеток на таеквондото во Македонија, директорот Мојсовски му врачи плакета од Агенцијата за млади и спорт, а со плакета го наградија и претставниците од федерацијата.
11.02.2021 - 16:19
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
