Комити: Имаме право да знаеме што ќе се случува со нашиот клуб, бараме чесност од Самсоненко

Навивачката група на Вардар, „Комити“ се огласи со соопштение, затоа што ова е период кога се одбројуваат последните денови од рокот што Вардар мора да го испочитува за да се вратат долговите за да може да се дојде до евро-лиценца за настап во европските купови во следната сезона.

„Имаме право да знаеме што се случува во нашиот клуб, но кога ќе прашаме, никој не е доволно компетентен да каже, никој освен едно лице, човекот кој го повикавме самите да влезе во клубот откако покажа дека носи успех и долгорочна стабилност особено во Ракометниот клуб Вардар. И така и беше, до клубот доживеавме да влеземе во групна фаза од официјално Европско натпреварување – Уефа лигата, по славната и неповторлива елиминација на големиот Фенербахче, со победа на жешкиот терен во Истанбул. Со ракометниот клуб доживеавме да подигнеме две Европски Шампионски титули, значи ДВЕ!“, се вели во соопштението на „Комити“.