Италијанските фудбалери со 30 отсто помали плати поради коронавирусот

Претседателот на Фудбалската федерација на Италија, Габриеле Гарвина најави помали плати за играчите поради пандемијата на коронавирус која ги прекина националните првенства на континентот.

Не е наведено како ќе биде заведена уредбата и колкаво намалување се планира, меѓутоа се шпекулира со 20 до 30 отсто за секој фудбалер.

Замислата е оние кои заработуваат најмногу во Серија А, како Кристијано Роналдо, Пауло Дибала, Ромелу Лукаку, Џанлуиџи Донарума, Гонзало Игуаин, да загубат и најмногу.

Роналдо, на пример, заработува 31 милион евра годишно и со ваквата мерка би бил во минус околу девет милиони. Останува да се види реакцијата на фудбалерите по најавата на Гарвина.