Леброн со емотивни зборови се прости од Коби: Брат, јас сум скршен и уништен
Првата ѕвезда на Лос Анџелес лејкерс, Леброн Џејмс, прв пат ги сподели своите емоции по смртта на неговиот пријател, легендарниот поранешен кошаркар Коби Брајант.
– Не сум подготвен, но ќе продолжам. Се запрашувам што да напишам во овој пост, но секој пат кога ќе почнам повторно да плачам размислувајќи за тебе, Џиџи и нашето пријателство-братство. Буквално само го слушнав вашиот глас во неделата наутро пред да се вратите од Филаделфија во Лос Анџелес. Никогаш не би помислил дека ова ќе биде нашиот последен разговор. Што по ѓаволите! Брат, јас сум скршен и уништен. Те сакам, мој постар брат. Јас со цело срце сочувствувам со Ванеса и ќерките.
Ветувам дека ќе го продолжам твоето наследство. Ти многу им значиш на навивачите на Лејкерс, и јас мора да го преземам товарот врз себе и да продолжам во иста насока. Те молам, дај ми сила од небото и внимавај на мене.
Сакам да кажам многу повеќе, но сега не сум во можност да го сторам тоа. Се гледаме, мој постар брат, напиша Леброн на социјалните мрежи.
Последниот статус кој Коби Брајат го напиша на социјалните мрежи му беше посветен нему и доби повеќе од 2 милиони лајкови на Твитер, а сега и тој се збогува од својот пријател.
– Леброн Џејмс продолжува да ја придвижува играта напред. Голема почит кон брат ми. # 33644, – напиша Коби на својот профил на Твитер.
Коби Брајант и неговата 13-годишна ќерка Џиана заедно со уште седум други лица, пред два дена загинаа во хеликоптерска несреќа во Калифорнија.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
