Наредните два дена „Сахара балкански мировен фестивал" во Скопје

Во текот на наредните два дена во Скопје ќе се одржи првиот „Сахара балкански мировен фестивал“. 

Фестивалот ќе биде отворен утре попладне со факел на мирот што низ Скопје ќе го носат македонски јавни личности, додека официјално фестивалот ќе започне со полноќен настан на Камениот мост кој ќе биде обоен во сино. За утре е предвидено на скопскиот плоштад да настапат индиски танчерски групи и деца од СОС Детското село.

Задутре ќе биде одржан добротворен мировен самит на кој ќе бидат дел педесетина светски лидери поранешни претседатели, премиери, министри, амбасадори, холивудски ѕвезди и претставници од балканските земји, меѓу кои и поранешниот британски премиер Тони Блер за кого ова е прва посета на Македонија.

Субрата Рој по повод концертот веќе пристигна во Македонија.

Целта на концертот е одбележувањето на роденденот на Махатма Ганди и Меѓународниот ден против насилството.