Не чекаат уште два меча: Познати термините и противниците на македонските ракометари

Македонија не успеа да се пласира во главната фаза од СП во ракомет во Германија и во Данска, па наместо во Келн да ги одмериме силите со големите ракометни имиња, ние ќе разигруваме за позиција од 13-16 место.

Така, на 19 јануари (задутре) во 13 часот играме со Русија, која исто така заврши на 4. позиција во својата група, а ако ја победиме селекцијата на Дибиров и компанија, другиот ден (недела) од 15.30 ќе играме со подобриот од дуелот Катар - Чиле, репрезентации кои како и нашата ја имаа истата судбина да бидат четврти. Ако загубиме од Русите, за 15. место ќе играме од 13 часот, со поразениот од другиот дуел.