За ова овошје ретко кој во Македонија знае: Старо е 5.000 години, а има најмоќни својства за јакнење имунитет

Амалаки, амла или индиско грозје (лат. Emblica officinalis) е едно од најпопуларните растенија на традиционалната ајурведска медицина. Во Индија се користи повеќе од 5000 години како еден од најмоќните природни лекови за зајакнување на имунитетот и подмладување на телото. На санскрит амалаки значи „оној кој одржува“. Според ајурведата, ова растение содржи пет видови вкусови: кисело, слатко, горчливо, луто и  горчливо-луто. Во Индија се смета за божествено растение. Погодно е за секоја сезона, за сите временски услови и за секој вид на телесна структура. Плодот на амалаки има неверојатни хранливи својства и се препорачува  против многу болести. Истражувањата покажале дека има антибактериски и антивирусни својства, поради што се смета за најдобар лек за подмладување на телото. Важи за еден од најдобрите извори на антиоксиданси и витамин Ц.  Богат е и со други важни состојки: флавоноиди, танини, полифеноли и минерали. Тој е моќен природен лек за сите видови воспаленија. Се користи при воспаление на дишните патишта, кашлица, воспалено грло и респираторни проблеми, вклучувајќи бронхитис и астма. Редовната консумација помага при чистење на телото од токсини. Особено ефективно се покажало при неутрализирање на последици од лекови за туберкулоза и други синтетички лекови кои го оштетуваат црниот дроб.

Една јапонска студија покажала дека екстрактот од амалаки го потиснува растот на клетките на ракот во организмот. Исто така, содржи голем број на состојки кои го зајакнуваат имунолошкиот систем и се корисни, не само за превенција, туку и за лекување на рак. Ова растение се покажа како ефикасен природен лек за лекување на воспаление на панкреасот, панкреатитис. Ги намалува болките, отоците и помага да се подобри функцијата на панкреасот. Помага во лачењето на инсулинот и го намалува нивото на шеќерот во крвта кај дијабетичарите. Богат е со хром, што е особено важно кај дијабетес  тип 2.

Традиционално, се користел во народната индиска медицина за ублажување на стомачни проблеми. Запира пролив, повраќање, грчеви и надуеност. Намалува чувство на киселост и олеснува горушица. Има корисен ефект врз целиот дигестивен систем. Освен што ги штити органите од слободните радикали и оксидативни оштетувања, има корисен ефект врз обновување на ткивото. Може да се најде во голем број на производи за нега и убавина, како што се шампони, креми и масла. Го негува скалпот и спречува губење на косата, исто така, го храни коренот и го стимулира растот. Се користи и како маска и природен балсам. Го забрзува процесот на обнова на клетките на кожата и поттикнува исцелување. Исто така, е ефикасно средство за сите видови на кожни воспалениа, се користи како природен третман за акни, мозолчниња и осип.