Алкалоид го совлада Медни Всадник од Санкт Петербург
Шахистите на Алкалоид ја совладаа руската екипа Медни Всадник од Санкт Петербург на Европскиот клупски куп во шах, што се одржува во Порто Карас, Грција.
За македонската екипа ова беше четврти настап на Купот, на кој ја реализираа четвртата победа со 3,5:2,5 против руската екипа, која важи за една од најдобрите во Европа.
По четири кола Алкалоид заедно со италијанската екипа Падова е на врвот на табелата и се единствените две екипи со максимален учинок и осум бодови.
Во следното коло Алкалоид ќе се соочи со Падова.
Вториот македонски преставник на Купот, ШК Гамбит, исто така реализираше победа од 3,5:2,5 против естонскиот Реавл Спорт.
Габит по четири кола има две победи, едно реми и еден пораз, односно пет бодови.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
