Стоилов: Имав чудно чуство дека ќе добиеме француски тим

Капитенот на европскиот ракометен шампион Вардар, по денешната жрепка за Ф4 турнирот во Келн на крајот од мај, го прокоментира француски Монпелје, тимот кој „црвено-црните“ го добија на патот кон финалето.

- Имав некое чудно чувство дека ќе добиеме француски тим, не знам зошто, започна на шега Стоилов.

Тој додаде дека немал некои посебни желби за противникот, бидејќи сите екипи се многу добри.

- Лани не бевме фаворити, но за нас излезе многу добро. Сега го браниме трофејот и чувството е поинакво, имаме поголема обврска и мора да играме како шампиони. Немав очекувања за противникот бидејќи сите се добри екипи. Мислам дека кога си на Ф4, сите имаат 25 отсто шанса за победа. Кажав и лани, ќе повторам и сега, сите имаат шанса за победа, изјави Стоилов веднаш по жребот.

Завршниот турнир од Лигата на шампионите во Келн ќе се одржи на 26 и 27 мај. Саатниците за полуфиналето се 15:15 и 18:00 часот, но подоцна ќе се дознае кој ќе игра прв