Понеделник неработен ден - проверете кои денови се неработни до крајот на годината

 
Министерството за труд и социјална политика информира дека 8 Септември - Денот на независноста, односно 9 септември (понеделник) е неработен ден за граѓаните на Република Македонија.

Денот на независноста е прогласен за неработен согласно Законот за празници на Република Македонија

За сите граѓани на РМ

• 08 Септември (недела), Ден на независноста, односно 9 септември (понеделник) е неработен ден
• 11 Октомври (петок), Ден на народното востание
• 23 Октомври (среда), Ден на македонската револуционерна борба
• 08 Декември (недела), “Св. Климент Охридски”, односно 9 декември (понеделник) е неработен ден

За граѓаните од католичка вероисповед

• 01 Ноември (петок), Празникот на сите светци
• 25 Декември (среда), првиот ден на Божик 

За граѓаните од муслиманска  вероисповед

• 15 Октомври (вторник), Курбан Бајрам, првиот ден на Курбан Бајрам

За граѓаните припадници на албанската заедница во РМ

• 22 Ноември (петок), Ден на Албанската азбука

За граѓаните припадници на еврејската заедница во РМ

• 14 септември (сабота), Јом Кипур, првиот ден на Јом Кипур 

За граѓаните припадници на бошњачката заедница во РМ

• 28 Септември (сабота), Меѓународен ден на Бошњаците 

За граѓаните припадници на турската заедница во РМ

• 21 Декември (сабота), Ден на настава на турски јазик