Штербик избран за најдобар ракометар во светот за 2017 година
Голманот на Вардар, Арпад Штербик беше избран за најдобар ракометар на светот во 2017 година, од страна на специјализираниот ракометен сајт „handball-planet“.
Во гласањето беа вклучени 30 новинари од 27 земји, како и повеќе од 100.000 посетители на сајтот.
Зад Штербик е извонредна сезона со Вардар. Тој имаше голема заслуга за историската прва титула во Лигата на шампионите.
Покрај Штербик кој собра вкупно 89 бода во идеалниот тим влегоа: Уве Генсхајмер 82 бода (ПСЖ), Микел Хансен 71 (ПСЖ), Никола Карабатиќ 73 (ПСЖ), Недим Ремили 53 (ПСЖ), Виктор Томас 35 (Барселона), Бјарте Мирол 44 (Скјерн).
Најмногу гласови во изборот за најдобар одбранбен ракометар доби Лука Карабатиќ (40 бода) од ПСЖ. Втор во оваа категорија е Илија Абутовиќ од Вардар со 33 бода.
На вторите места во категориите лево крило и плејмејкер се најдоа Тимур Дибиров (41 бод), односно Лука Циндруиќ (62 бода)
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
