Македонија е во осминафинале на СП

Младата македонска репрезентација се избори за место во осминафиналето на Светското првенство за ракометари од 21 година што се одржува во Алжир.

Во решавачкиот меч од поелседното 5.коло на Ц групата македонските ракометари беа подобри од Бразил со 28-23.

Избраниците на селекторот Илија Темелковски одлично го започнаа мечот и на самиот старт поведоа со два гола разлика. Бразилците брзо успеаја да ја анулираат негативата, па се до 20.минута се играше израмнето (9-9). Во завршните десет минути од првото полувреме црвено-жолтите постигнаа пет, а примија само два гола, па на паузата заминаа со три гола предност 14-11.

Во вториот дел поведовме и со четири гола разлика (15-11), но „кариоките“ во 52.минута имаа и нерешен резултат 22:22. Сепак. До крајот на мечот нашата селекција постигна шест, а Бразил само еден гол и заслужено Македонија забележа победа со 28-23.

Во осминафиналето на Светскиото првенство за противник најверојатно ќе ја имаме домашната репрезентација на Алжир, која за да игра против нас треба да слави против Саудиска Арабија. Со пораз на Алжир, тогаш избраниците на Илија Темелковски ќе играат против Саудиска Арабија.

Покрај Македонија од Ц групата пласман меѓу шеснаесетте најдобри обезбедија и Шпанија, Тунис и Русија.

Осминафиналните натпревари на програмата се во среда (26 јули).