Разочарување за љубителите на фудбалот: Реал без Роналдо доаѓа во Скопје
Напаѓачот на Реал Мадрид, Кристијано Роналдо, најверојатно, нема да биде во тимот на натпреварот од Супер Куп со Манчестер Јунајтед закажан за 8 август во Скопје, но треба да игра против Барселона во шпанскиот Супер Куп.
Португалскиот фудбалер се уште е на одмор, по долгата сезона и учество во Купот на Конфедерации во Русија, а според информациите објавени во шпанските медиуми, оваа недела ќе се врати во Мадрид и ќе биде подложен на медицински прегледи.
Роналдо потоа повторно ќе замине на одмор и на крајот на јули би требало да се приклучи на тренинзите на европскиот и шпански шампион.
Ова значи дека Роналдо ќе го пропушти натпреварот против Барселона на 30 јули во Меѓународниот Куп на шампиони, како и дуелот од Супер Купот во Скопје на 8 август, со Манчестер Јунајтед.
Се очекува дека 32-годишниот да биде подготвен за првиот натпревар на шпанскиот Суперкуп против Барселона на „Камп Ноу“, кој е закажан за 13 август. Реваншот е три дена подоцна во Мадрид.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
