Пепе заминува од Реал Мадрид
Португалскиот одбранбен фудбалер Пепе фудбалер потврди дека наскоро ќе го напушти Реал Мадрид, но се уште не се знае неговата нова дестинација.
Шпанските медиумите пишуваа дека дефанзивецот ќе оди во Пари Сен Жермен, но Пепе го негираше тоа и порача дека има понуди од Премиер лига.
- Јасно е дека нема да продолжам во Реал Мадрид. Едно поглавје е завршено и време е да започнам ново, изјави Пепе.
Неговиот договор со „кралскиот клуб“ истече, бараше нов двегодишен, но доби понуда на една година, па преговорите пропаднаа.
Пепе е член на двократниот европски шампион точно 10 години, и има освоено по три титули во Примера и ЛШ.
Изминатава сезона имаше многу проблеми со повредите, настапувајќи само на 18 натпревари во сите натпреварувања.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
