Меси: Јувентус моментално е најдобар во светот

Утре од 20:45 се игра големото финале од Лигата на шампионите меѓу Јувентус и Реал Мадрид. Јувентус веќе 21 година го чека овој трофеј, додека Реал сака да стане првиот тим кој успеал да го одбрани откако ова натпреварување се игра во овој формат.

Можеби најдобриот фудбалер во историјата на фудбалот, големата ѕвезда на Барселона, Лео Меси вели дека во финалето ќе навива за Јувентус, но не поради ривалството со Реал Мадрид, туку поради тоа што според него Јуве е моментално најдобриот тим на светот.

-Во сабота навивам за Јувентус. Не поради ривалитетот кој постои меѓу Реал и Барселона, туку поради тоа што Јувентус е моментално најдобар на светот. Два пати игравме против нив оваа сезона и можам да кажам дека тоа беа двата најтешки натпревари во мојата кариера. Не успеавме да им дадеме гол, дури ниту на Камп Ноу. Немам дилема, Јувентус го заслужува овој трофеј, изјави Меси.

Инаку Јувентус со Барселона се сретна во четвртфиналето од Лигата на шампионите оваа година, а во два натпревари не прими гол, во првиот меч ја торпедираше Барселона со 3:0 во Торино, а на гостувањето во Каталонија одиграа 0:0. Интересно, Лео Меси позади себе има повеќе од 500 голови, меѓутоа во кариерата досега не успеал да стрела против легендата светскиот фудбал Џанлуиџи Буфон.