Новиот тренер на Барселона ќе избрка девет фудбалери

Ернесто Валверде е новиот тренер на Барселона, а како што пренесуваат шпанските медиуми, веднаш деветмина фудбалери се нашле на неговиот список за напуштање на клубот.

Новиот тренер на Каталонците започна со реконструкција на тимот, а наводно веќе се познати и фудбалерите кои што ќе мора да си побараат нов клуб.

Наводно, на излезната врата на „Камп Ноу“ се Алеикс Видал, Жереми Матиу, Лукас Дињ, Жорди Алба, Рафиња, Арда Туран, Пако Алкасер и Денис Суарез.

Секако, новиот тренер веќе составил и список со потенцијални засилувања, а најзвучните имиња кои што ќе се обиде Барселона да ги ангажира се Андер Ерера од Манчестер Јунајтед и Хектор Белерин од Арсенал.