Сите тајни на најдобриот голман во светот за пенали

Диего Алвеш навистина е посебен голман и ќе влезе во легендите. Затоа што додека за секој тим во фудбалот, пеналот е најдобра шанса, кога играте против него, тоа никако не е така.

Овој бразилски голман одбранил дури 22 од 49 пенали кои ги бранел на голот на Алмерија и Валенсија. Примил 25 гола, додека еден шут завршил во рамката од голот, а еден играч го промашил голот. Секако, тој е рекордер во Ла Лига. Во што е тајната?

Секако, потребна е голема концентрација, но во неговиот случај тука е и интуицијата. Потоа, Алвес ја следи положбата на телото на играчот кој шутира и од тоа заклучува многу.

Тој ја сака и психолошката војна, па често му смета на играчот кој шутира, ја задржува топката пред да му ја даде, се шегува со него…

Секогаш се фрла на страна, никогаш не стои во место. Ја избира страната, најчесто својата десна. Така ги одбрани првите пет пенали во Алмерија и почна да го гради митот за себе. Една од омилените жртви му Кристијано Роналдо, на кого досега му има одбрането три пенали.

Гледајќи ги бројките, дури 14 од 22 одбрани ги има кога играчот му шутирал доле десно. Но, последниот пенал кој го одбрани, на Роналдо во саботата, беше на другата страна. Во секој случај мора да се признае станува збор за мајстор.