Пријателите на Вардар се кренаа во Солун: Навивачите на Шалке во судир со полицијата

Навивачите на Шалке кои се добри пријатели со фановите на Вардар, Комити постојано имаат и македонски знамиња на трибините. Од ПАОК порачаа за овој меч да не носат обележја од Македонија или Вардар со цел да нема инциденти, но атмосферата во Солун е нактрелизирана, а медиумите веќе јавуваат за првите проблеми.

 

„ЕСПН“ информира дека околу 150 навивачи на Шалке влегле во судир со полицијата во Солун. Нема пријава за повредени и уапсени по насилството.

 

Според грчката полиција, групата германски фанови која претходно седела во баровите и рестораните почнала да фрла пиротехнички средства и камења врз полицијата која одговорила со димни бомби.

 

Се очекува околу 1.400 фанови на Шалке да бидат присутни на вечерашниот натпревар кој почнува од 21:05.