Пике, Рамос и Иниеста не се на списокот на Лопетеги за натпреварот со Македонија

Првпат по дебито на Пике во 2009 година во дресот на шпанската фудбалска репрезентација, тој и Серхио Рамос нема да бидат дел од списокот на фудбалери на селекторот.

Проблемите во одбраната не завршуваат тука за Жулен Лопетеги. Левиот бек на Барселона, Жорди Алба е повреден, а Монреал не е во натпреварувачка форма, откако ги пропушти последните три натпревари на Арсенал.

Во средината на теренот ќе фали и Иниеста, кој заработи повреда на коленото на натпреварот со Валенсија и ќе биде надвор од терените во наредните неколку недели.

Шпанскиот селектор мораше да прави измени и да повика неколку нови играчи за натпреварот со Македонија наредната сабота.