400 парцели за „Купи куќа за млади“ во општина Аеродром

Општина Аеродром ги изработува ДУП-овите во Долно и Горно Лисиче за проектот „Купи куќа за млади“.

Градоначалникот Ивица Коневски на денешниот состанок со претседателот на ВМРО-ДПМНЕ Никола Груевски на кој се разгледуваше спроведувањето на проектот Купи куќа за млади и градбите на индустриските зони информираше до каде е постапката и колку градежни парцели се наменети за овој проект.

-Општина Аеродром обезбеди вкупно 400 парцели за проектот „Купи куќа за млади“. Двесте се во Долно и исто толку во Горно Лисиче. Во Горно Лисиче се работи на два плана. До крајот на годината ДУП-овите ќе бидат донесени, информираше Коневски.

Во врска со индустриската зона, тој додаде дека веќе постои една меѓу Долно и Горно Лисиче покрај патот каде веќе има фирми.