Земјотрес го стресе Скопје

Слаб земјотрес беше почувствуван во Скопје синоќа во 19 часот и 13 минути.

Телеметриската сеизмолошка мрежа на Република Македонија, со станици во Скопје, Штип, Валандово, Битола, Охрид и Крушево, одржувана од Сеизмолошката опсерваторија при Природно-математичкиот факултет во Скопје, во 19 часот и 13 минути регистрираа слаб земјотрес чиј епицентар потекнува од скопското епицентрално подрачје.

Овој земјотрес е почувствуван во Скопје со интензитет од 3 степени според Европската макро-сеизмичка скала–1998.