ВМРО-ДПМНЕ: На 24 април казната за СДСМ доаѓа десетти пат по ред

СДСМ продолжува со пишување на сценариото од нивниот виртуелен живот, велат од ВМРО-ДПМНЕ.

Во продолжение следува интегрален текст од соопштението на владејачката партија

Ова сценарио му е неопходно на СДСМ за да го куражи членството бидејќи рејтингот на партијата и нивниот лидер не само што е мизерен, туку и опаѓа.

Членството на СДСМ тоа го знае и е демотивирано, па затоа на Бихаќка го преземаат единственото нешто што го знаат: да си пишуваат паралелна реалност во која ќе веруваат уште само 140 дена.

Народот знае дека СДСМ во субвенции за земјоделците не вложи ни сто денари. Народот знае дека ВМРО-ДПМНЕ за субвенции дава стотици милиони евра.

Нароодот знае дека ВМРО-ДПМНЕ вложи повеќе од 100 милиони евра за нова медицинска опрема.

И СДСМ го знае ова, но немајќи капацитет да се соочи со фактите води црна кампања измислувајќи некрофилски статистики, поддржувајќи пукање во медицински персонал и бесрамно лажејќи ги граѓаните на Република Македонија, со надеж дека нивните манипулации ќе променат мислење кај барем еден човек.

Тоа нема да се случи. Анкетите покажуваат двојно поголема предност за ВМРО-ДПМНЕ. Тоа се фактите, тоа се бројките.

На 24 април казната за СДСМ доаѓа десетти пат по ред.