Поплавените жители од Ѓорче Петров и викендов ќе можат да ја пријават штетата

Од општината Ѓорче Петров информираат дека граѓаните кои имаа штети од невремето кое ја зафати општината ќе можат да поднесуваат пријави и за време на викендот и тоа од 08 до 20 часот во просториите на општината во главната зграда. 

 

-Од страна на надлежните подготвени се формулати односно изјави и истите можат да се добијат и пополнат на лице место, информираат од Општината.

 

За време на викендот ќе работат и трите комисии, формирани за утврдување на штетите направени од невремето кое го зафати општина на 9 јули. Комисиите за утврдување на штети ќе излегуваат на терен согласно поднесените пријави

од граѓаните.