ЕВН најави исклучувања - проверете дали ќе останете без струја

 Без електрична енергија утре во периодот од 8:30 до 14:30 часот, ќе останат дел од корисниците од село Љубош, општина Студеничани.

Како што информира Регионалниот центар за управување со кризи на Град Скопје во периодот од 8:30 до 16:00 часот без струја ќе бидат корисниците од улиците „Маџари“ и „Палмиро Тољати“ во близина на ресторант Ханибал, корисниците во близина на стадионот „Борис Трајковски“, како и корисниците пред натпатникот на улиците „Маџари 3“ и „Маџари 1“, во општина Гази Баба.

Без струја во периодот од 9:00 до 11:00 часот, ќе бидат дел од корисниците од улиците „Орце Николов“, „Мирослав Крлежа“ и „Наум Наумовски Борче“ во општина Центар.

Од 9:00 до 14:00 часот без електричен напон ќе бидат дел од корисниците од Дуќанџик и Старата Скопска Чаршија, во општина Чаир, а во периодот од 9:00 до 15:30 часот, дел од корисниците на излез од автопат за Тетово, како и дел од корисниците од улица „Островска“ во општина Сарај.

Во периодот од 9:00 до 15:30 часот без струја ќе бидат корисниците од селата Дељадровци, Бучинци и Бујковци во општина Илинден и Грушино во општина Арачиново.

Без напон од 9:30 до 15:00 часот ќе бидат корисниците од село Бразда, во општина Чучер Сандево, а од 10:00 до 12:00 часот, корисниците од улиците „Партение Зографски“, „Тасино Чешмиче“, „Христо Смирненски“ и „Ѓорѓи Скрижевски“ во општина Центар.

Во периодот од 11:00 до 14:30 часот, без струја ќе бидат дел од корисниците од улица „Антоние Грубишиќ“ од крстосница со „Аминта Трета“ до крстосница со „Мирослав Крлежа“ во општина Центар.