Нови сообраќајни правила во Дебар Маало
Со делење на флаери општина Центар денеска ги запозна граѓаните дека во Дебар Маало започнува проектот „Зона 30 – за безбеден Центар“, што предвидува ограничување за движење на возилата со брзина од 30 километри на час.
Како што соопшти општина Центар, ограничувањето на брзината на движење на возилата го опфаќа делот на општина Центар, ограничен со улиците булевар „Партизански Одреди“, улица „Франклин Рузвелт“, булевар „Илинден“ и булевар „Св. Климент Охридски“.
Градоначалникот на општина Центар, Андреј Жерновски изјави дека овој проект добива на значење, особено по црната низа на сообраќајни несреќи и жртви. - Од денеска, Дебар Маало е ‘Зона 30’, зона на смирен сообраќај. Ги повикувам граѓаните да ги почитуваат новите поставени знаци“, рече тој.
На влезните и излезните улици на видни места низ Дебар Маало се поставени 25 сообраќајни знаци.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
