Продолжува прскањето на улиците со калциум магнезиум ацетат

Град Скопје синоќа во два навратa, од 21 до 22 часот и од 5 до 6 часот повторно ги третираше со калциум магнезиум ацетат булеварот „Свети Климент Охридски“ и улиците „Свети Кирил и Методиј“ и „Јордан Мијалков“, како една од мерките за намалување на загадувањето на амбиентниот воздух.

Според најавите од Градот, третирањето на градските сообраќајници со калциум магнезиум ацетат ќе продолжи, а наскоро ќе се прошири и на други локации.

Градските власти потсетуваат дека брзината на сообраќајниците каде се аплицира средството Калциум магнезиум ацетат е ограничена на 40 километри на час, заради можна појава на лизгавост на коловозот.