Проверете дали денеска ќе останете без струја
Корисниците од улиците „Маџари“ и „Палмиро Тољати“, на потегот од надвозникот до училиштето „Дане Крапчев“, во општина Гази Баба денеска од 8:30 до 15 часот ќе останат без напојување со електрична енергија.
Од 08:30 до 11 часот без струја ќе бидат и корисниците од булеварот „11 Октомври“ – кули бр. 12 и 14 и објектите околу нив во општина Центар, а од 8:30 до 12 часот корисниците од Агино Село улици „2“ и „3“ и селото Зелениково.
Во периодот од 8:30 до 14:30 часот без напојување со електрична енергија ќе бидат и дел од корисниците од Стара скопска чаршија, од 12 до 15 часот корисниците од улиците „4“ и „5“ во село Зелениково, а од 9 до 12 часот дел од корисниците од улиците „Христо Татарчев“ и „14“ во општина Кисела Вода.
Како што информира Регионалниот центар за управување со кризи на град Скопје, причина за прекинот во снабдувањето со електрична енергија е изведувањето технички зафати во електросистемот од страна на екипите на ЕВН Македонија АД.
Оцени ја веста
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
