Температури до 36 степени, заладување од вторник

Времето во Македонија ќе биде сончево и топло со мала облачност. Во попладневните часови ќе има ретка појава на пороен дожд и грмежи претежно во југозападните и јужните планински предели.

Утринската температура ќе се движи од 13 до 21 степени, а дневната од 29 до 36 степени.

Во Скопје слично време, сончево со мала до умерена облачност и со слаб до умерен североисточен ветер. Утринската температура ќе се спушти до 19, а дневната ќе се искачи до 35 степени.

УВ-индексот ќе изнесува 8.

Од вторник во попладневните часови ќе има локално зголемување на облачноста и услови за појава на краткотраен дожд претежно во југозападните делови од земјата. Температурата ќе се движи од 28 до 36 степени.