Американките нови светски шампионки во фудбал
Женската фудбалска репрезентација на САД повторно ја освои титулата светски шампион откако ноќеска во финалето на Мундијалот што се одржа во Канада го совлада досегашниот првак Јапонија со 5:2. Ова за Американките е вкупно трета титула, а прва по пауза од 16 години. Претходните две ги освоија 1991 и 1999 година.
Со оваа победа тие им се реваншираа на Јапонките за поразот во финалето на претходното СП.
Самото финале беше решено во првите 16 минути кога Американките поведоа со 4:0. Три од четирите голови ги постигна Чарли Лојд (3, 5 и 16 минута), а еден Лорен Холидеј (14.минута). Јапонија до крајот на првиот дел намали преку Јуки Огими (27.минута). Со автоголот на Џули Џонсон (52.минута) резултатот беше 4:2, а конечните 5:2 ги постави Тобин Хет (54.минута).
Лојд го доби признанието најдобра фудбалерка на шампионатот, а со Целија Шашиќ од Германија со по 6 голови го поделија првото место и кај стрелците.
Трофејот за фер-плеј го освои Франција, каде по четири години ќе се одржи следното Светско првенство.
Оцени ја веста
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
