Стартува новата сезона во европските фудбалски купови

Со шесте натпревари што се играат денеска по три во двата европски купа (Лига на шампиони и Лига Европа) стартува новата сезона на европските фудбалски купови.

Еден од натпреварите ќе се одигра и во Скопје на Националната Арена „Филип Втори“ каде Ренова ја пречекува екипата на Дачија од Молдавија во рамките на првото коло од квалификациите на Лига Европа. Почетокот на дуелот е во 21 часот.

Од првото квалификационо коло од Лигата на шампионите денеска се играат дуелите: Пјуник – Фолгоре, Линколн – Санта Колома и Крусадерс – Левадија, додека утре се игра натпреварот Б36 – ТНС.

Покрај дуелот Ренова – Дачија од Лига Европа денеска се играат и натпреварите: Балзан – Железничар и Прогрес – Шамрок Роверс.

Другите две македонски екипи во оваа рунда натпреварите ги играат на 2 јули (четврток). Работнички гостува кај Флора во Естонија, додека Шкендија на „Филип Втори“ ќе го пречека шкотскиот тим Абердин.