Полицијата упадна во домот на 73-годишен старец од тетовско - еве што пронајде

При претресот во домот и помошен објект на 73-годишниот З.Р.во Шипковица синоќа се пронајдени 46 вреќи со земја во кои имало 51 непознато зелено растение со височина помеѓу 10 и 15 сантиметри, 150 пластични чаши од јогурт наполнети со ситна земја, од кои во пет имало изникнати непознати зелени растенија со височина од околу три сантиметри, како и пластична кутија со непознат растителен семенски материјал.

Како што пренесе МИА, како осомничен дека ги одгледувал растенијата е синот на сопственикот, 42-годишниот Х.Р. кој засега не е пронајден и по кого се трага. Претресот бил реализиран во консултација и координација со јавен обвинител, а растенијата биле пронајдени во помошен објект до куќата и балконот од третиот кат во куќата што ја користел Х.Р.