ВИДЕО: Макаби го доведе најдобриот стрелец на Евролигата

Најдобриот стрелец на Евролигата Тејлор Рочести потпиша договор со Макаби на две плус една година и наскоро ќе дојде во Тел Авив. Трансферот беше најавуван и сега „Гордоста на Израел“ го потврди доаѓањето на леворакиот искусен Американец. Рочести минатата сезона блескаше во дресот на екипата на Нижни Новогород и во Евролигата просечно бележеше 18,5 поени и 5,7 асистенции. Во Јули Рочести полни 30 години, игра на позицијата на која што се прослави, плеј. Претходно во кариерата ги носеше дресовите на Гетинген, Алба, Галатасарај, Ле Ман, Каха Лаборал и Сиена.