Адеми пред трансфер во Торино

Македонскиот фудбалски репрезентативец и член на Динамо Загреб, Аријан Адеми е пред трансфер во Торино, пренесуваат италијанските медиуми.

Калчолигашот заинтересиран за Адеми подготвил понуда од шест милиони евра и е сериозно заинтересиран да го доведе како засилување за средниот ред.

24-годишниот Адеми ги импресионирал Италијаните со своите настапи во еврокуповите и во Хрватската лига.

Дали следната сезона уште еден Македонец ќе заигра во Серија А ќе зависи од раководството на хрватскиот клуб со кој Адеми има актуелен договор уште три години.