ВИДЕО: Од Торино до Берлин со велосипед само за да биде со својот Јуве

Николо де Марки ќе помине речиси 1100 километри пеш и на велосипед во чест на настапот на Јувентус во финалето на Лигата на шамионите во Берлин.

Толкава е одалеченоста помеѓу „Јувентус Арена“ и Олимпискиот стадион во Берлин.

Овој голем фан на „Старата дама“ му понудил предизвик на Јувентус и на клупскиот Твитер профил напишал дека пеш и со велосипед ќе помине 1100 километри од Торино до Берлин во замена за влезница за финалето. Претседателот на тимот Андреа Ањели го прифатил предизвикот.

Иако се изложува на голем физички напор, сепак Николо има голема поддршка од твитерџиите и одговорните во клубот, па најверојатно ќе успее да ја оствари целта.