Лазаров ќе игра во финале на Лигата на шампионите

Најдобриот македонски ракометар на сите времиња Кирил Лазаров со својот клуб Барселона обезбеди финале во Лигата на шампиoните, откако попладнево во Келн во првиот полуфинален дуел од „фајнл-фор“ турнирот го совладаа Киелце со 33:28. 

Лазаров натпреварот го заврши со седум голови, еден помалку од најефикасниот во победничкиот состав Никола Карабатиќ.

Во поразената екипа најдобар играч беше Карл Биелецки кој запиша седум погодоци.

Второто полуфинале е вечерва од 18 часот меѓу унгарскиот шампион Веспрем и германскиот претставник Кил.

Победникот од овој натпревар утревечер од 18 часот ќе игра со Барселона во битката за шампионскиот трофеј.