Пренасочен сообраќајот на дел од улиците во Скопје
Од 11 до 13 часот денеска Јавната установа „Детски културен центар Карпош“ од Скопје организира ролер-трка „Возиме кон иднината“ со ученици од петто до осмо одделение од сите училишта на подрачјето на Градот Скопје. Трката ќе започне на булеварот „Илинден“ од пред фонтаната во Градски парк, ќе продолжи по булеварот „Илинден“ се до крстосницата со улицата „Никола Тесла“, кај „Паркови и зеленило“, и назад. За време на трката сообраќајот ќе биде пренасочен по другите сообраќајници.
Од сообраќајната полиција апелираат до возачите да бидат трпеливи и да ги почитуваат наредбите на униформираните полициски службеници.
Оцени ја веста
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
