„Со книга на плажа“ - погледнете што ве чека во „Матица“

Клуб „Матица“ денеска ја почнува летната книжевна акција „Со книга на плажа“. Акцијата ќе трае до 20 август.

Читателите и членовите на Клубот „Матица“ го избраа хитот за ова лето, годинава  тоа е најновиот роман  на Халед Хосеини „И планините одекнаа" кој, според „Матица“, освоил милиони читатели во светот.

Издавачот ги издвојува и најновото остварување на Розалинд Лејкер „На бал со кралот”, Линвуд Баркли со „Страв од најлошото”, Стефани Дреј со „Песната и Кринот од Нил” ...

Покрај литература од сите македонски издавачки куќи, ќе бидат понудени и изданија од најголемата балканска издавачка куќа „Лагуна", со попуст до 33 отсто.

Специјален гостин на отворањето на акцијата е македонскиот поет Тихомир Јанчовски, кој од 19 часот пред Клубот „Матица“ ќе ја потпишува својата најнова книга „Староста може, а и не мора да се дочека“.