Велосипедист прегазен на скопските улици

За време на викендот на подрачјето на Град Скопје се случиле вкупно 31 сообраќајка од кои во една со тешки телесни повреди се здобил еден велосипедист.

Во петокот сообраќајната полиција извршила увид на 14 сообраќајки од кои осум биле со материјална штета, а шест со телесни повреди во кои со полесни повреди се здобиле осум возачи на патничко возило, пет сопатници и еден возач на велосипед со мотор.

Во сабота се случиле 10 сообраќајни незгоди од кои пет со материјална штета и пет се со последица телесна повреда. Со полесни повреди се здобиле шест возачи на патничко возило и четворица сопатници.

Седум сообраќајки се случиле вчера и тоа во две е причинета материјална штета, а во четири со полесни повреди се здобиле седум возачи на патничко возило и тројца сопатници.

Од денеска, Отсекот за превенција при Единицата за безбедност во патниот сообраќај при СВР Скопје го почнува вториот циклус едукативни предавања со учениците од први и втора година во средните училишта на тема „Влијанието на алкохолот, дрогата и психотропните супстанции врз безбедноста на патниот сообраќај“. Предавањата ќе се одржат во училиштата „Владо Тасевски“, „8 Септември“, „Методија Мицевски Брицо“, „Орце Николов“, „Браќа Миладиновци“ и „Димитар Влахов“.

За денеска нема најавено вонредни настани со што се очекува сообраќајот да се одвива тековно и според постоечката сообраќајна регулатива.