Велешанец пронајден на улица во локви крв - се бори за живот на скопските Клиники

Околу 3 часот по полноќ во СВР-Велес било пријавено дека на улицата „Лазе Осмаков“, на влезот од гаражите лежело повредено лице. Од страна на Итната медицинска помош која веднаш пристигнала на местото на настанот, бил пронајден 50-годишниот Т.Д. од Велес, кој имал повреди во пределот на главата и градниот кош и бил облеан со крв по телото. Т.Д. во неконтактибилна состојба е пренесен во Медицинскиот Центар во Велес, но поради сериозноста на повредите е префрлен во Клинички.

Се преземаат мерки за расчистување на настанот.