Скопјанка го претепала сопругот - завршил во болница

Дваесет и пет годишна скопјанка со боксови го нападнала својот сопруг, притоа нанесувајќи му тешки телесни повреди.

Од здобиените повреди нападнатиот сопруг морал да побара медицинска помош во Државната болница. Докторите му ја дале потребната медицинска помош по што лицето било пуштено на домашно лекување, велат полициски извори.

Според истите извори, против насилната жена покрената е кривична пријава за семејно насилство. Исто така се дознава дека до физичката расправија дошло откако сопругот повеќе од два месеци до раните утрински часови се задржувал во чајџилница.