Домашни наполитанки

Направете домашни наполитанки, еве што вие потребно:

- Состојки:

• 4 слоеви обланди
• 250 гр путер
• 200 гр шеќер
• 12 лажици вода
• 250 гр мелени ореви
• 250 гр мелени интегрални бисквити
• 100 гр чоколадо за готвење

Подготовка:

Во тенџере ставете ги путерот, шеќерот и водата и мешајте на умерена температура, додека состојките не се соединат. Потоа во смесата додадете ги оревите, бисквитите и чоколадото, па повторно измешајте сè, додека не добиете хомогена кремаста смеса.

Дозволете на кратко да се излади, поделете ја кремастата смеса на три еднакви дела и нанесете ја рамномерно на горната страна од обландите. Намачканите обланди наредете ги една врз друга, завиткајте ги во мрсна хартија за печење и одозгора ставете алуминиумска фолија и добро стегнете ги.

Ставете ги во фрижидер да се оладат и зацврстат, а потоа по желба можете колачот да го прелиете со чоколадна глазура.

Совет: Доколку сакате да го збогатите вкусот на филот, откако ќе го направите, додадете во него малку свежо цеден сок од портокал или неколку капки рум.