Полицијата влезе во Чегране
Во текот на вчерашниот ден полицијата изврши контрола во угостителски објект во Чегране. Според податоците од полицијата, во период од 23 часот до 1 часот по полноќ во угостителскиот објект „Експорт-импорт“ кој го поседува 32-годишниот Б.Н. се затекнати три странски државјанки, две од Косово и една од Албанија, на возраст од 30, 33 и 34 години, кои нелегално работеле како пејачки, како и две женски лица од Тетово и Скопје на возраст од 22 и 33 години.
Странските државјанки приведени и задржани се во Полициската станица Гостивар, а денес се предадени на Отсекот за прекуграничен криминал, миграции, странци и реадмисија, додека по утврдување на нивниот идентитет, девојките од нашата земја се пуштени. По целосно документирање на случајот ќе биде поднесен соодветен поднесок.
Оцени ја веста
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа