Тренерот на Барселона: Посакувам сите ривали да ги изгубат натпреварите
Тренерот на Барселона Луис Енрике за шпанските медиуми истакна дека не го интересира како работат другите клубови, а на ривалите им посака да губат на секој натпревар.
- Не ме интересира што прават другите. Сакам мојот тим да игра најдобар фудбал на светот. А ако сакате да бидам искрен, им посакувам на нашите ривали да го изгубат секој натпревар. Ние ќе се сконцентрираме само на себе, изјави Енрике.
Барселона е лидер во шпанската Примера со максимални 9 бодови по три одиграни кола, а вечерва ќе го одигра првиот дуел во новото издание на Лигата на шампионите. На „Камп Ноу“ ќе гостува АПОЕЛ од Кипар.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
