ВИДЕО: Сити го совлада Ливерпул во првото дерби од новата сезона

Актуелниот шампион на Англија, Манчестер Сити го доби првото дерби во новата сезона совладувајќи го Ливерпул со 3:1 во рамките на второто коло од Премиер лигата.

„Граѓаните“ го отворија резултатот во финишот на првиот дел кога грешката на одбраната на Ливерпул во 41. минута ја казни Стеван Јоветиќ. Истиот фудбалер зголеми на 2:0 во 55. минута откако одбраната на „црвените“ уште еднаш лошо реагираше.

Кун Агуеро само што влезе во игра во 69. минута го постигна третиот гол за Сити. Со автоголот, Пабло Забалета го постави конечниот резултат во 83. минута.

Со триумфот Манчестер Сити е во групата екипи заедно со Тотенхем, Челзи и Свонси кои имаат по 6 бодови и се на врвот на табелата. Ливерпул во моментов е на 9.место со 3 бодови.