Нов маркет на Скопски Пазар во скопски Центар
Денес Скопски Пазар АД Скопје отвори нов супермаркет од ланецот СП маркети во општина Центар. Новиот маркет се наоѓа на ул. Св.Кирил и Методиј бр.20, во близина на зеленото пазарче, спроти поранешен цветен пазар.
Новиот СП маркет кој се простира на површина од 420 м2, ќе вработи 15 лица и ќе понуди богат асортиман на производи од реномирани домашни и странски производители. Во понудата на супермаркетот потрошувачите исто така ќе можат да се снабдат и со свежо овошје и зеленчук, готови топли јадења од менито на Топлотека, печено пиле и свежо печен багет, како и слаткарски производи.
Новиот СП Маркет ќе работи од 8 до 22 часот (од понеделник до сабота) и од 8 до 20 часот во недела.
„Се надеваме дека нашиот нов СП Маркет ќе одговори на секојдневните потреби на граѓаните, пред се преку понудата на готови топли јадења, багет и слаткарски производи со цел да ги задоволат нивните барања за свежа, квалитетна и разноврсна храна по најдобри цени“, изјавија од одделот за маркетинг на Скопски Пазар
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
