„Њујорк Тајмс“: Таен американски документ открива дека Русија им ветува бонус на војниците кои ќе уништат западен тенк
Доверливи американско разузнавачки документи кои протекоа на социјалните мрежи на 6 април откриваат дека на руските војници им биле ветени бонуси доколку ги оштетат или уништат тенковите на НАТО во Украина, пишува „Њујорк Тајмс“.
Според документите тоа е „дел од поголема транша иницијативи структурирани да им помогнат на руските војници и да го зајакнат моралот додека се борат да заземат територија во источна Украина“.
„Видеата од уништувањето на тенковите би биле широко дистрибуирани со цел да се намали довербата на Украина и Западот и да се убедат руските војници во нивната способност да го надминат ова ново оружје“, се наведува во документите, според медиумот.
Членките на НАТО и дадоа на Украина стотици борбени тенкови во обид да го свртат текот на војната со Русија.
Уште 160 тенкови „Леопард“ од германско производство се очекува да пристигнат во Украина пред новата контраофанзива, за која се верува дека ќе започне на пролет, пишува медиумот.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
