Невреме беснееше низ Македонија - На овие места истури дожд

Најмногу дожд во изминатите 24 часа наврнал во Крушево, 12 литри на квадратен метар, според мерењата  на УХМР за наврнат воден талог. 

До 8 часот утрово, по изминато деноноќие, 9 литри на квадратен метар се измерени во Крива Паланка, 7 во Битола, 6 во Охрид, 5 во Виница и Ѓуриште, 4 литри на квадратен метар во Претор, Тополчани и Пожаране, 3 во Штип, Прилеп и на Попова Шапка, 2 во Струмица, Велес, Берово, Тетово, Маврови Анови и Пожар и 1 литар на квадратен метар наврнат воден талог во Скопје-Зајчев Рид, Скопје-Петровец и Куманово.

Управата за хидрометеоролошки работи за денеска прогнозира променливо облачно и нестабилно време со локален пороен дожд и грмежи.

-Наместа, особено во источните делови, процесите ќе бидат поинтензивни во форма на невреме со пообилен пороен дожд (поголема количина за кратко време), силен ветер (над 60 километри на час) и изолирана појава на град. Максималната температура ќе биде во интервал од 20 до 28 степени, соопшти УХМР.

Во Скопје ќе биде променливо облачно и нестабилно со повремен дожд и грмежи. Во делови од котлината ќе има пообилен пороен дожд, грмежи, засилен ветер и услови за краткотрајно невреме со изолирана појава на град. Максималната температура ќе достигне 27 степени.